Wednesday, August 4, 2010

لمن يعضه الأمر


ما أجملك ..يا أنت..أيها البائس .. المكابد..الضائع..الوحيد..المزحوم بالوَش..القديم جدا..ملتقط الثمار كالقرد ..الزارع كأوزوريس..صائد الوحوش والضوارى ..الصانع المكتفى كغاندى..ساكن الكهوف.. وناطحات السحاب..ممتطى البغال وصواريخ الفضاء ..عابد الأوثان والآلهة..جميع الآلهة
أنت يا من أطلقت أمك سراحك للدنيا لتولد أينما ووقتما أردت
أنت يامن تموت وتولد فى كل يوم ..فى كل خطوة .. فى كل حلم
أنت يامن لاتحلق بجناحين فى الهواء ولا بزعنفتين فى الماء
يامن تحمل جسدك على كفى روحك وتحلق هكذا فى الملكوت واقفا ..جالسا ..ونائما..هذا قدرك

فى الجزيرة.. وسط الماء..على مهل تطلع النباتات..على مهل تشيخ..تنحنى ..وتموت.. وحينما يغمرها الماء على مهل تطلع ثانية للنور من التراب والماء..تولد
لكنك فى كل خطوة تموت لتولد ..هذا قدرك

أنت على طرف عتمة منتهى.. فلماذا تخاف
خوفك يحجب نورا على طرف بدء
لا تخف
حلفتك بنبيك م تخاف .. واحفظ هذه المأثورة عن العبد الفقير إلى ربه
"على طرف عتمة كل نهاية ..نور بدايه"

لمن يعض الأمر

الزم حبسك وموتك الإختيارى "كلبش فيه" حتى لا يفلت منك رغما عنك
صحيح أنه فى الخارج..خارج عتمتك سيمضى الليل وسيطل نور الصبح..وسترفرف الطيور وسيتدفق ماء النهر والناس ستخرج من صناديقها وستحب وستكره وستلد وستولد ..و الأرض لن تتوقف عن دورانها ..الأشياء ستمضى لمصائرها ووحدك ستأكلك عتمتك ..عتمتك الإختيارية
---------------
رأس التين ..الإسكندرية 3-8-2010

22 comments:

MR.PRESIDENT said...

اسقاط ارجو أن يتم فهمه من المصري القديم الرجل الأزلي .

Ms Venus said...

"على طرف عتمة كل نهاية ..نور بدايه"


الله عليك يا انتخ

Haytham Alsayes said...

"على طرف عتمة كل نهاية ..نور بدايه"


الله يانتخ
محتاج الكلمتين دول بجد
عشان انا في عتمة ومستني نور

ربنا يستر

Tarkieb said...

صدقنى محدش عاد خايف خلاص ....جميل كلامك اللي يمشي على كل العصور...الله ينور ..صدق اللي قال انتخ بجد....

راجل أديم said...

سيدى الرئيس

بيشرفنى وبيسعدنى مرورك الجميل
دمت جميلا


..----------..
مس فينوس الجميله
يابنى الضفيره بتاعتك دى خايلانى
اسكندريه زحمه أوى يامس
بس مش ماشى

..----------..
هيثم السايس الجمبل
حابب تبص وراك ثوانى
شوف كام عتمه اتصورت الدنيا هتخلص بعدها
ومخلصتش
ابتدت يا هيثم
هتبتدى
وهتتلخبط
المهم
تبأه خطوتك شبهك
خلينا أبضين على برائتنا
كالقابض على الجمر حتى
كل التمنيات الصافيه يا صاحبى

..----------..

تركيب الجميل

ياريت يا صاحبى يتمحى الخوف من طريئنا
والنور يملا الدنيا
والعتمه تختشى وتلم ديلها الطويل وتدخل جحورها

ياريت
الفرح لكل البشر

..----------..

دحكتونى كلكو
أنتخ أنتخ
ماشى
ماهو لازم يبأه فيه اسم اتنادى بيه
بس يعنى أغير راجل أديم فى التوقيع؟

إيناس حليم said...

بقالي كتير مش بمر على المدونات خالص
بس حبيت اقولك كل سنة وانت طيب ورمضان كريم
وليا قراءة قريبة ان شاء الله

راجل أديم said...

الغالية إيناس حضورك .. دايم وغالي .. دمت مبدعة جميلة

اقصوصه said...

رمضان كريم

راجل أديم said...

أقصوصه الجميله .. كل الطرق تؤدي إلي روما .. كنت صديقه غالية علي مدونه ألغيتها.. وها أنت تعودين لعنوان تغير للمرة الثالثة.. هذا .. علمني درسا .. أنت غالية دوما..تحية قلبية من الإسكندرية التي احتملتني كل هذا الوقت.. وكل سنه وانتي جميله

علاء المصرى كل يوم said...

كل عام وأنتم بخير

راجل أديم said...

علاء الجميل

كل سنه وانته ألآن
يعنى
وانته جميل

Ms Venus said...

طب انا جاية انادى بصوت عالى علشان اقولك كل ثانية وانت طيب وبخير

كل ثانية وانت عقل وفكر وروح


كل سنة وانت راجل اديم


وبلاش انتخ يا سيدى مع ان الاسم كان جميل وله معنى هههههههه


فينك الغيبة دى كلها ؟

يارب يكون خير

راجل أديم said...

طب انا حاولت ارد على غنى كرمك ولطفك كتبت ومسحت وكتبت ومسحت كتير كتيرأوى
ومش لائى تعبير يليئ بجمال روحك
اعمل ايه انا الوأتى يامس

علاء المصرى كل يوم said...

السلام عليكم
مشكورا مجهودك

ألا طالعت قصيدة الرد على حرق القرأن

على http://elmsryklyom.blogspot.com/

دعوة للأطلاع

حياه said...

يعضه
؟؟
هههههههه
ماشي
بسلم عليك
يارب تكون بخير

افروديت said...

ولو أنك ياأنتخ مش سألت عني في غيابي ولا قلت هماخدوني ولاحبسوني ولا ايه زي بقيت الناس ..بس جيت اسلم برضه غلاسه بقي ..أنت غيرت الأسم ليييييييييه؟
هوكويس بس "أنتخ" كان معبر وحلومبروك ياعم ع النيم الجديد.
سلام

Tarkieb said...

كل عام وانتم بخير

Ms Venus said...

فيينك كل ده ؟


كل دى غيبة ؟


يارب تكون بخير


كل سنة وانت طيب يارب دايما وبخير

حياه said...

كل سنه وانت طيب
فينك كل ده
يارب تكون بخير
تلميذتك
جيلان

حياه said...

كل سنه وانت طيب
سنه جديده سعيده عليكوعلى كل الى بيحبوك ياااااارب
ابقه طمنا عليك
يارب تكون بخير وترجع بقه م الغيبه الطويله دي

راجل أديم said...

أفروديت
تركيب
مس فينوس
حياة

لا أجد ما يكفيكم ..مايليق بأرواحكم الرائعة من اعتذار .. وامتنان .. ومحبة

luxusumzug said...

اتمنى لكم المزيد من التمييز ... وعرض جديدكم 
ماكينات طباعة
مقص ورق
مقص بولر-طوايه
ماكينه طباعه ريوبى