Sunday, July 11, 2010

hea


Hea
ليست سوى صيحه وحشيه .. ليس من لغة تدًعى أنها لها ..مئات وآلاف الصيحات التى مانزال نعتمدها تعبيرا وحيدا لا بديل له فى لغة
صيحة الجمع البشرى ... تندفع بقوة مع عودة تيار كهربى انقطع .. مثلا
مع مرور الكرة خط المرمى ... مثلا ..
مئات وآلاف الصيحات .. فى العمل .. فى الفرح .. فى الحزن .. فى توحد الأنثى والذكر
صيحات وحشية قديمة .. قديمة جدا.. كم عمرها لا أدرى .. أسمعها اليوم كذا الموافق كذا من شهر كذا سنة 2010
ذاكرتنا تمتد ربما لملايين ملايين السنين
قدماء نحن
تحت قشرتنا ...كثيرون كثيرون ... ممتلئون بلغات ... بأساطير وديانات وعلوم وأحلام
قدماء
ربما أقدم من خرائط تزغلل عيوننا بجبال و بحار وأنهار ... بكهوف وأعشاش وبيوت وقرى ومدن
أنت الإنسان الذى غرز سهمه فى قلب الثور البرى
أنت من قطًعه بأسنانه .. أنت من ضرب الظلطة بالظلطة وأوقد خشب الأشجار الميتة ...أنت قديم.. قديم جدا
فكيف ترانى حين أراك تُقصى أخاك .. أخاك القديم ..القديم

فاطمة
أمى أكدت لى فى الطفولة أنها ليست أمى .. وأنها رحمها الله ماتت وهى تلدنى .. وأن اسمها فاطمة
صدقتها وأحببتها ...لكن ليس كفاطمة أمى طبعا
ماتت أمى وبكيتها كما لم يبك أحد أمه...لكنى ما أزال أحن لفاطمة أمى
ربما كرامة لها أحب كل الفاطمات...هل أقول الحق ..كل البنات فى قلبى فاطمات

الوحيدون طواعية ينتظرون ليليت .. يقولون : حبيبتنا جميعا حد العشق
الفرحون ( ماشيه معاهم ) ب ستنا حوا
ليليت"الرسولة بشعرها الطويل حتى الينابيع"(*) حواءالتى تخبئ شعرها من الشمس والهواء ... والعيون التى تأكل الشعر
أتدرون
رأيت فاطمة .. رأيت ليليت
رأيت حواء بالذاكرة القديمة ذاتها يكاد شعرها ينتفض ويطرد البوليئيستر
رأيتها تكاد تقصى نصفها العارى
تنادى : يا فاطمة
ياليليت
عودى .. سيعضك الذئب حين يطلع القمر

كلما فعلتها "واستحميت " يطيب لى أن أفعل ما قاله لى مدرس العلوم زمان ..افرك أى جزء من كتفك مثلا وسترى أن خلايا منك تموت واخرى تحل مكانها
كلما فعلتها .. أضحك واقول نحن نتقشر.. وأتذكر البنت التى قلت لها مرة
يابنتى الخلايا دى متعرفكش .. متعرفش لمستك ..الخلايا اللى لمستيها اتأشرت
(اتكحتت)
كلمافعلتها أقول لنفسى أظننا لسنا فى قلب أزمات مالية وحروب احتلال ورِدة وإقصاء .. أظننا فى قلب بركان
أظن أن الزمن يتقشر

يافاطمة
يابنت التراب والهواء والماء والشمس
دعى الموتى يدفنون الموتى

-----------
(*)عنوان قصيدة للشاعر اللبنانى.. أنسى الحاج

11 comments:

Haytham Alsayes said...

انتخ

بجد اسلوبك ماشاء الله جميل جدا
بجد استمتعت بالكلمات جدا جدا

تحياتي

Ms Venus said...

ذاكرتنا تمتد ربما لملايين ملايين السنين
قدماء نحن
تحت قشرتنا ...كثيرون كثيرون ... ممتلئون بلغات ... بأساطير وديانات وعلوم وأحلام


صدقنى يا انتخ

بستمتع جدا وانا بقراء كلامك

جايز واوقات بعيد القراءة اكتر من مرة وفى كل مرة بيوصلنى معنى واحساس تانى

كل اللى اقدر اقوله ان كلامك مش حروف لا

كلامك نبض بينطق

راجل أديم said...

الجميله أفروديت
تمام ياباشا؟
بسمع الكلام أهه
كل التحية والتمنيات الصافيه

..--------..

الصديق الغالى
الجميل
هيثم السايس

نورتنى
وفرحتنى
جدا جدا
شكرا من ألبى ياهيثم

..--------..


"الجميلة "حتى الينابيع
مس فينوس

طلتك غاليه أوى يامس

افروديت said...

ميرسي بجد ياأنتخ لآنك أعتبرتني أول كمنت بس مش تزعل مني والله كنت مسافره وجيت لأن في حدغالي عندي أوي أتوفي...أنابجدمبسوطه أني أعرف حدمحترم زيك من المدونين ...أنت عارف أن أسلوبك في الكتابه بيعجبني لآنه سهل ممتنع ربنايكرمك ويخليك يارب ..

راجل أديم said...

الجميلة أم الخلود
شرفتينى
ودايما طلى

صورة الشعار عاجبانى..جنسيتى إنسان
بس الكلام المرافق فيه كلام ياجميل
أنا ويا شعار حزب الوفد بتاع زمان
الدين لله والوطن للجميع
ومع جدا
جدا
جنسيتى إنسان

..--------..

أفروديت الجميله

م الألب مشاركة أحزانك يا جميله
..
إنتى فعلا أول كمنت
م البوست اللى فات

دايما حاضره ياأفروديت
حضور غالى

علاء المصرى said...

مرحبا أنتخ

الحث الفنى موهبه من الله
وأنت من زوى الحث الفنى فى أختيار

كتاباتك
تحياتى لك

لماذا لا تعلق على الوقفة الأحتجاجية
أنتظرك بمدونتى

راجل أديم said...

علاء الجميل


رحت مدونتك ياعلاء واتمليت أسف وحزن

علاء المصرى said...

عزيزى أنتخ

هون عليك يا أخى فأن الله موجود

أن الدنيا لا تساوى شىء لولا أنها من صنع الله

هداك الله ودمت سالما

Tarkieb said...

كلامك اكبر دليل على ان الام اللي ربت مش اللي ولدت...يمكن حنينك لامك البيولوجية ذاد بعد فقد امك اللي تعرفها....كل منا لا يعرف قيمة الشئ او الاشخاص اللي بفقدهم...راي انك كنت محظوظ انك لقيت ام بديلة وماتفرق عن فاطمة ...من الممكن تحلم بفاطمة عشان ماشفتهاش لكن امك اللي ربتك مش بتحلم بها لان كل مكان وركن في الببت شايفها فيه عشان كدة مش بتحلم الا باللي ماطلته...تحياتى لاسلوبك الجميل

علاء المصرى said...

أنتخ صديقى

لقدعاد صديقق الكئيب

أنت فين أوعى تكون لعبت فى دماغك وخدت
حبل وطلعت على النيل

أنتظرك للأطمئنان عليك

راجل أديم said...

تركيب الجميل
شكرا لطلتك الحلوه
إنته بس اتسرعت ف الإرايه
يمكن المشكله عندى انا ف الكتابه
عموما شرفتنى

علاء
ياعم ولا حبل ولا نيل
البحر

شكرا يا جميل